ثوب الشمس

انعصر ثوب الشمس بجفوف الانجوم------------ وعلى خدك اثاري النور واكع
لا تخجل اذا اتغازل اوياك-------------واذا كتلك ابوجهك يرق لامع
اشكد عينك وسيعه من احاجيك--------------- اريد ابكدهه خلكك كون واسع
على كلبي بادي سديت انه الباب-------------- ولن كلبي وراك ابسرعه طالع
هنيال الرموش الداير العين---------------- لان زمزم تمر بيهه المدامع
مدري احسد اصابيعك على الايد-------------- مدري احسد اديك اعله الاصابع
رغم طولك مقاطع سابي الاعيون------------- بس عندي الخصر احله المقاطع
كون بجام خانه اهلك يخلوك---------------- حته الي يزورك بس يباوع
الجمال ابنفسه ما يقنعني فد يوم--------------- لان ظليت بس اوياك قانع
وطفل وياك صرت ابزحمه الناس------------- اذا هديت اديه اني ضايع
البساطه البيك ما تنوجد بانسان-------------- انفعالك وحده يرمز للتواضع
نابع من سواد اعيونك اليل --------------- ومن خدك نهار الدنيه نابع
شبر عنك واحسن جن الف ميل------------- يبعدني عليك وهذا واقع

[b]شعر جميل شكرا زنوبة

تسلم ايدج
شعر جميل

يسلموووووووووووووو عاش ذوقج

تحياتــــــــــــــي